Управниот одбор е орган на управување на Претпријатието кој го именува односно разрешува Советот на општинa Гевгелија од редот на афирмирани и познати стручњаци од областа на водоснабдувањето, имајќи ја во предвид соодветната и правична застапеност на припадниците на сите заедници. Бројот и составот на членовите на Управниот одбор го утврдува Советот на општина Гевгелија со Решение за именување. Мандатот на членовите на Управниот одбор трае 4 години. Управниот одбор има претседател кој се избира од редот на членовите, а исто така и заменик претседател кој се избира исто од редот на членовите. Претседателот на Управниот одбор ги свикува седниците, се грижи за извршување на актите на Управниот одбор и врши и други работи утврдени соДеловникот за работа на Управниот одбор.